काठमाडौँ, १५ माघ – चलचित्र ‘कागजपत्र’को पहिलो गीत सार्वजनिक भएको छ। मङ्गलबार राजधानीमा कार्यक्रम गर्दै निर्माण टिमले ‘माया संसार’ बोलको गीत सार्वजनिक गरेको हो।
नेपाली चलचित्र ‘कागजपत्र’का निर्देशक अपिल विष्ट हुन्। चलचित्रको प्रदर्शन आगामी चैत ८ गतेबाट हुने तयारीमा छ। सार्वजनिक गीतमा हर्कुलस बस्नेतको स्वर तथा शब्द रहेको छ। प्रेम जोडीको प्रेम र पीडालाई भिडियोमा उतारिएको छ। गीतमा नाजिर हुसेन र शिल्पा मास्केकाे प्रेम तथा शिल्पा र भोलाराज सापकोटाको बिहे तथा सरिता गिरीको पीडासमेत देखाइएको छ।यस गीतको भिडियोलाई सुरेन्द्र पौडेलले सम्पादन गरेका छन्। सार्वजनिक गीत काठमाडौँको सिटी सेन्टर बिग मुभिजबाट सार्वजनिक गएिको हो।
चलचित्र ‘कागजपत्र’ इपी एजुकेशन अस्ट्रेलियाको प्रस्तुतिमा तयार भएको हो। वल्र्डवाइड फिल्मस् र अस सिनेमाको संयुक्त व्यानरमा निर्माण भएको हो।यस चलचित्रमा खिलेन्द्र तिमल्सिना, मुकेश रेग्मी र प्रजापति सिवाकोटी निर्माता रहेका छन् भने किरण न्यौपाने र सरस्वती श्रेष्ठ सह–निर्माताका रूपमा छन्। निमेष श्रेष्ठको सम्पादन र कास्मिर किक्सनको छायाङ्कन रहेको यस चलचित्रमा संगीत सापकोटा र बसन्त सापकोटाको सङ्गीत छ।
अस्ट्रेलियन सिनेमाटोग्राफर क्यस्मियर डिक्सनले खिचेको यस चलचित्रमा नाजिर, शिल्पा, सरिता, भोलाराज, लोकेन्द्र लेखक, जीवन भट्टराई, लक्ष्मी बर्देवा, अर्जेस रेग्मी लगायतका कलाकारको अभिनय रहेको छ। त्यसैगरी अभिनेत्री शिल्पाको भने ‘कागजपत्र’मा डेब्यु रहेको छ।
https://youtu.be/GK3iGqcWGMQ
