कोरोना भाइरसको त्रासबिच कपिलवस्तुको गुगौलीको गाउँमा केहीबेर अघिदेखि भीषण आगलागी भएको छ। प्रहरी निरिक्षक मधु नेपालको अनुसार जिल्लाको विजयनगर गाउँपालिका वडा नम्वर १ गुगौली गाउँमा लहरै रहेका फुसले छाएका घरहरुमा आगलागी हुँदा झण्डै ४० घर जलेर नष्ट भएको छ।
प्रहरीले आगो निभाउन लागेको र ४० भन्दा बढि घरहरु जलेर नष्ट भएको अनुमान गरिएको बताएको छ। मानवीय क्षति भने हालसम्म भएको पाइएको छैन। तर अन्न र धनमाल क्षति भएको छ। आगलागीको कारण पत्ता लागेको छैन।
