काठमाडौं - स्वास्थ्य सामग्री लिन हिमालयन एयरलाइन्सको जहाज भोली चीन जाने भएको छ। हिमालय एयरलाइन्सको एयरबस ३३२ विमानले आइतबार साँझ ५.३० बजे चीनतर्फ उडान भर्न लागेको हो।
उडानको लागि अनुमति लिइसकेको र एयरलाइन्सको विमानमा कुनै प्राविधिक समस्या नआएमा उडान हुने निश्चित रहेको नागरिक उड्डयन प्राधिकरणका प्रवक्ता राजकुमार क्षेत्रीले बताए।
लकडाउन अवधिभर ६ वटा कार्गो उडान भइसकेको र सातौंपटक यो विमानले चीनमा उडान भर्न लागेको हो। स्वास्थ्य सामग्रीको कार्गोसहित फर्कने यो जहाज सोमबार बिहान ७.१५ बजे त्रिभुवन अन्तर्रा्ष्ट्रिय विमानस्थलमा अवतरण गर्नेछ।
