काभ्रे– काभ्रेको धुलिखेल अस्पतालमा आइसोलेसन वार्डमा उपचाररत एक सुतकेरी महिलाको मृत्यु भएको छ। अस्पतालको आइसोलेसनमा उपचाररत उनको शुक्रबार बिहान मृत्यु भएको हो।
मृतक १० दिन अघि त्रिवि शिक्षण अस्पतालमा शिशुलाई जन्म दिएर डिस्चार्ज भएर घर पुगेकी थिइन्। सिन्पाल्चोकको बाह्रबिसेकी उनीमा घर पुगेपछि श्वासप्रश्वासमा समस्या आएपछि बिहीबार धुलिखेल अस्पताल भर्ना गरिएको थियो।
धुलिखेल अस्पतालको प्रयोगशालामा गरिएको कोरोना परीक्षणमा उनको रिपोर्ट पोजेटिभ आएको थियो।अस्पतालको प्रयोगशालामा कोरोना पोजेटिभ देखिएकी उनको मृत्यु भएपछि अहिले अस्पताल सिल गरिएको छ। उनको पुनः कोरोना परीक्षण गर्न प्रयोगशालामा पठाइएको छ।
सुत्केरी महिलाको मृत्यु भएपछि उनको उपचारमा संलग्न ३ जनालाई पनि आइसोलेसनमा राखिएको छ। उनीहरुको पनि कोराना परीक्षणका लागि थ्रोट स्वाब संकलगन गरी प्रयोगशालामा पठाइएको छ।
