काठमाडाैं - भारतमा कोरोना भाइरसको संक्रमण बाट गएकाे २४ घण्टायता अहिलेसम्मकै धेरै संक्रमित भेटिएका छन्।
भारतिय सञ्चार माध्यमका अनुसार पछिल्लाे २४ घण्टा भित्रमा ६ हजार ६ सय ५४ जना सङ्क्रमित भेटिएका छन् । याे हप्ता दाेस्राे पटक भारतमा ६ हजार जनाभन्दा धेरैमा सङ्क्रमण पुष्टि भएकाे हाे ।
त्यस्तै पछिल्लाे २४ घण्टामा एक सय ३७ जनाकाे ज्यान गएसँगै भारतमा सङ्क्रमणबाट ज्यान गुमाउनेकाे सङ्ख्या बढेर तीन हजार सात सय २० पुगेकाे छ ।
भारतकाे स्वास्थ्य मन्त्रालयले शनिबार याे तथ्याङ्क सार्वजनिक गर्दै कुल सङ्क्रमितकाे सङ्ख्या एक लाख २५ हजार एक सय एक पुगेकाे बताएकाे छ ।
त्यस्तै काेराेना सङ्क्रमणबाट अहिलेसम्म ५१ हजार सात सय ८३ जना ठिक भएकाे बताइएकाे छ ।
भारतमा पछिल्ला केही हप्ता सङ्क्रमित हुनेकाे सङ्ख्या लगातार बढिरहेकाे छ । निर्माण र यातायातलगायतका क्षेत्रमा प्रतिबन्ध खुकुलाे पारिँदा सङ्क्रमण बढिरहेकाे बताइएकाे छ । नेपालसँगको खुला सीमाना र नेपालीहरु धेरै भारतमा कार्यरत हुँदा नेपाल समेत प्रभावित बनेको छ ।
