काठमाडौं– काठमाडौंको ग्राण्डी अस्पतालमा कार्यरत एक स्वास्थ्यकर्मीमा कोरोना भाइरस (कोभिड–१९) संक्रमण भएको पुष्टि भएको छ।
स्वास्थ्य तथा जनसंख्या मन्त्रालयको अनुसार काठमाडौंका ३५ वर्षीय पुरुषमा कोरोना संक्रमण भएको थियो। संक्रमित व्यक्ति ग्राण्डीका स्वास्थ्यकर्मी भएको अस्पताल स्रोतले बताएको छ।
उनको काठमाडौंको राष्ट्रिय जनस्वास्थ्य प्रयोगशालामा परीक्षण गरिएको थियो। त्यस्तै संक्रमित भेटिएसँगै अस्पताल सिल गर्ने तयारी गरिएको छ।
उनको प्रत्यक्ष सम्पर्कमा आएकाहरुको खोजी गर्ने र परीक्षण गर्ने तयारी गरेको छ भने कन्ट्याक्ट ट्रेसिङका लागि इपिडिमियोलोजी तथा रोग नियन्त्रण महाशाखाको टोली खटिसकेको छ।
