काठमाडाैं - नेपालमा शनिबार अपरान्ह थप ३६ जनामा कोरोना संक्रमण देखिएकाे छ। याेसंगै शनिबार काेराेना संक्रमण देखिनेहरुकाे संख्या ६८ पुगेकाे छ भने जम्मा संक्रमितको संख्या ५ सय ८४ पुगेकाे छ।
स्वास्थ्य तथा जनसंख्या मन्त्रालयको नियममित पत्रकार सम्मेलनमा मन्त्रालयका प्रवक्ता डा. विकास देवकोटाले बाँकेमा २७ जना, बैतडीमा ४ जना, बर्दियामा १ जना, झापामा १ जना र सुर्खेतमा ३ जनामा कोरोना संक्रमण पुष्टि भएको बताए।
नरैनापुरको मदरसाका १७ देखि ३२ वर्ष उमेर समूहका ६ जना, नरैनापुर ३ राष्ट्रिय प्रावि गेगलीमा १६ देखि ३२ उमेर समूहका १५ जनामा पोजेटिभ देखिएको हो । यस्तै नरैनापुरकै १ मा २२ देखि ५० वर्ष उमेर समूहका ६ जनामा पोजेटिभ देखिएको मन्त्रालयका प्रवक्ता देवकोटाले बताए।
यस्तै सेती अस्पतालको प्रयोगशालामा गरिएको परीक्षणमा बैतडीका चार जनालाई सङ्क्रमण पुष्टि भएको छ । उनीहरुमध्ये २० वर्षका दुई जना, २२ र २७ वर्षका एक एक जना रहेको मन्त्रालयले जनाएको छ । उनीहरु चारै जनामा आरडीटी पोजेटिभ भएपछि पीसीआर गर्दा पनि पोजेटिभ देखिएको हो ।
त्यस्तै सुर्खेतमा दुई जना पुरुष र एक जना महिलामा कोरोना भाइरस सङ्क्रमण पुष्टि भएको छ । यस्तै कोशी अस्पतालमा झापाका ३३ वर्षीय पुरुषमा सङ्क्रमण पुष्टि भएको छ । बर्दिया बडैयाताल ७ का एक जना १९ वर्षियापुरुषमा पनि सङ्क्रमण पुष्टि भएको छ ।
देशभर ४० जिल्लामा कोरोना संक्रमण पुगेको छ । हालसम्म ७० जना निको भएर डिस्चार्ज भएका छन् । मन्त्रालयका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन्।
