क्वारेन्टिनमा मृत्यू भएका दैलेखका यूवाको पिसीआर रिपोर्ट पोजिटिभ आएसँगै नेपालमा कोरोनाका कारण ज्यान गुमाउनेको संख्या ७ पुगेको छ। दुल्लु नगरपालिका वडा नम्बर ८ निवासी ३५ वर्षिय युवकको रिपोर्ट पोजिटिभ आएको कर्णाली प्रदेशको सामाजिक विकास मन्त्रालय स्वास्थ्य महाशाखाले जानकारी दिएको छ।
भारतबाट १० दिनअघि नेपाल फर्किएका ति युवकलाई क्वारेन्टिनमा राखिएको थियो। क्वारेन्टिनमै उनको शनिबार बिहान मृत्यू भएको हो। पछिल्लो तथ्याङ्कअनुसार नेपालमा १ हजार ४ सय १ जनामा कोरोना संक्रमण देखिएको छ। जसमध्ये २ सय १९ जना निको भएका छन् भने ७ जनाको मृत्यू भएको छ।
