काठमाडाैं - नेपालमा पछिल्लो २४ घण्टामा २ सय ७३ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नेपालमा संक्रमितको संख्या ५ हजार ३ सय ३५ पुगेको पुष्टि गरे। प्रवक्ता डा गौतमले आज थपिएका संक्रमितमा २ सय ४७ जना पुरुष र ३६ जना महिला रहेको बताए । यस्तै संक्रमित मध्ये ४ हजार ९ सय ४९ जना पुरुष र ३ सय ८६ जना महिला छन्।
नेपालमा हालसम्म ९ सय १३ जना उपचारपछि निको भएका छन्। पछिल्लो २४ घण्टामा ३६ जना डिस्चार्ज भएका हुन् । मन्त्रालयका अनुसार कुल डिस्चार्ज हुनेहरूमा ८ सय २२ जना पुरूष र ९१ जना महिला रहेका छन् । त्यस्तै हालसम्म कोरोनाबाट १८ जनाको मृत्यु भएको छ ।
हालसम्म रेड जाेनमा पर्नेकाे संख्या ४ सय ९७ रहेकाे छन् भने ७२ जिल्लामा काेराेना संक्रमण फैलिसकेकाे छ।
शनिबारसम्म नेपालमा १ लाख २७ हजार २ सय ८८ जनाको पिसिआर विधिबाट परीक्षण गरिएको छ भने १ लाख ५० हजार ५ सय ५० जनालाई क्वारेन्टिनमा राखिएको छ।
