काठमाडौं - नेपालमा मंगलबार थप ५ सय ३८ जना नयाँ कोरोना संक्रमित थपिएका छन् । स्वास्थ्य तथा जनसंख्या मन्त्रालयकाे नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशका बिभिन्न प्रयाेगशालामा गरेकाे परिक्षणमा थप ५ सय ३८ जना संक्रमित थपिएकाे बताए । अाज थपिएकाहरूमा ४ सय ४८जना पुरुष र ९० जना महिला महिला छन् ।यो सँगै नेपालमा कोरोना संक्रमितको संख्या १० हजार ९९ पुगेको छ ।
कोरोना संक्रमण निको भएर डिस्चार्ज हुनेको संख्या २२२४ रहेको छ । त्यसमा १८९ महिला र २०३५ पुरुष छन् । गत चौबिस घण्टामा मात्रै ८ महिला र ६८ पुरुष गरी ७६ जना डिस्चार्ज भएका हुन्। मन्त्रालयका अनुसार नेपालमा बागमती प्रदेशको रसुवा बाहेकका ७६ जिल्लामा काेराेना संक्रमण फैलिसकेकाे छ ।
यस्तै अाज थप एक जनाकाे काेराेनाका कारण मृत्यु भएकाे छ । मृत्यु हुनेमा दैलेखका एक पुरुष रहेका छन् । याे सँगै काेराेनाबाट कुल मृत्यु हुनेकाे संख्या २४ पुगेको छ ।
