प्रदेश नम्बर २ का आन्तरिक मामिला तथा कानुन पुर्वराज्यमन्त्री सरोज कुमार सिंह कुशवाहाले सरकारी गाडीको दुरुपयोग गरिरहेका छन्।
राज्यमन्त्री हुँदा सुविधास्वरुप पाएको सरकारी गाडी तत्कालिन जनता समाजवादी पार्टीबाट प्रदेश सांसद समेत रहेका कुशवाहाले पदमुक्त भएपछी पनि फिर्ता गरेका छैनन्। प्रदेश सरकारले उपलव्ध गराएको हुण्डाई कम्पनीको प्र.२–०२–००१ ज ००६२ नम्बरको सेतो रङको भेन्यु गाडी उनले फिर्ता नगरी प्रयोग गरिरहेका छन्।
आन्तरिक मामिला तथा सञ्चार मन्त्रालयका सचिव बिरेन्द्र यादवले गाडि गर्न ताकेता गरेको जानकारी दिए। ‘हामीले गाडी फिर्ता गर्न भनेका छौ,’ यादवले नेपाली पब्लिकसँग अनकनाउदैँ भने, ‘प्रकृयामा छ, उहाँले गाडी फिर्ता गर्नुहुन्छ।’
गाडी फिर्ता गर्नका लागि मन्त्रालयले पत्र काट्दा समेत पुर्व राज्यमन्त्री कुशवाहाले कुनै जवाफ दिएका छैनन्। मन्त्रालयका सुचना अधिकारी नाजो राम भगतले नेपाली पब्लिकसँग भने, ‘धेरै दिनअघि पत्र काटेको हो, अहिलेसम्म गाडी फिर्ता भएको छैन्।
पुर्वराज्यमन्त्री कुशवाहाले प्रयाेग गरिरहेकाे गाडीसहित अन्य सामग्री फिर्ता गर्न ताकेता गर्दै साउन १३ गते नै पत्र काटिसकेकाे छ।
