पछिल्लो २४ घण्टामा १३८८ जनामा कोरोना भाइरस संक्रमण पुष्टि भएको छ ।
१० हजार २९७ नमुना परीक्षण गर्दा १३८८ जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ ।
योसँगै कुल संक्रमितको संख्या ७ लाख ५९ हजार २२२ पुगेको छ । जसमध्ये ३५ हजार ७९६ सक्रिय संक्रमित छन् ।
आइतबार कोरोना संक्रमणबाट २४ जनाको मृत्यु भएको छ । हालसम्म कोरोनाबाट १० हजार ७१४ जनाको मृत्यु भएको छ ।
पछिल्लो २४ घण्टामा २२६० जना निको भएका छन् । हालसम्म ९३.९ प्रतिशत संक्रमित निको भइसकेका छन् ।
हाल ६२५ संक्रमित सघन उपचार कक्षमा र १६७ संक्रमित भेन्टिलेटरमा छन् ।
