अन्तरवार्ता लिएर फर्कने क्रममा प्रहरीले पत्रकार विष्णु पाण्डेलाई शुक्रबार राती पक्राउ गरेको छ।
एमसिसिको कडा विरोध गरिरहेको उन्नत लोकतन्त्र पार्टीका अध्यक्ष स्वागत नेपालको अन्तरवार्ता लिएर फर्कने क्रममा पत्रकार पाण्डेलाई प्रहरीले पक्राउ गरेको हो। उनलाई गाडिसहित नियन्त्रणमा लिएर दरबारमार्ग प्रहरी वृत्तमा राखिएको अध्यक्ष नेपालले जानकारी दिएका छन्।
‘मेरो निवासमा निक्कै राती ११ बजेजतिसम्म विविध विषयमा छलफल र अन्तरवार्ता गरेर मेरै गाडी लिएर आफ्नो निवासतर्फ फर्कँदै गर्दा राती नै बाटोबाट प्रहरीले स्वागत नेपाल कहाँ छ भन्दै मेरो मित्र पत्रकार विष्णु पाण्डेलाई गाडी सहित नियन्त्रणमा लिई दरबारमार्ग प्रहरीमा राखिएको छ,’ अध्यक्ष नेपालले भने, ‘बिनाकुनै कारण मसँग मेरो निवासमै बसिरहेको साथी मेरो सवारी साधन लिएर आफ्नो घरतर्फ गएकोमा पक्राउ गरेकोमा तुरुन्तै रिहाइ गर्न माग गर्दछु।’
