प्रहरीले कैलालीको धनगढीस्थित एक मोबाइल ग्यालरीबाट मोवाईल चोर्दै गरेको भिडियो सार्वजनिक भएको छ। बिहीबार लागूऔषधको कारोबार भैरहरेको सुचनाको आधारमा ग्यालरी पुगेको प्रहरीको टोलीका एक जनाले मोबाइल चोर्दै गरेको भिडियो पसलको सिसीटिभिमा कैद भएको छ ।
धनगढीको ट्राफिक चोकमा रहेको ग्लोबल मोवाईल ग्यालरीबाट ती प्रहरीले मोवाईल चोरी गरेको पसल सञ्चालक सुवास रावलले बताए । मोवाईलको खाली डब्बा देखेपछि सिसि टिभी क्यामेरा हेर्दा प्रहरीले नै मोवाईल चोर्दै गरेको देखेपछि चोरीमा सलग्न प्रहरीलाई कार्बहीको माग गर्दै प्रहरीमा नै निवेदन दिएको उनले बताए।
भिडियो हेर्नको लागि यहाँ क्लिक गर्नुहोस् :-
जिल्ला प्रहरी कार्यालय कैलालीका प्रहरी उपरीक्षक विश्व अधिकारीले भिडियो सहित नै निवेदन आएपछि सोबारे छानबिन भइरहेको बताए। उनले घटना संलग्न प्रहरी हवल्दार होम बहादुर माल र प्रहरी जवान भरत सिंह बुडाललाई नियन्त्रणमा लिई चोरी मुद्दामा अनुसन्धान भैरहेको बताए ।
उनले निजहरुबाट मोवाईल समेत बरामद गरिएको जानकारी दिए । बिहिवार प्रहरीले ग्यालरीबाट लागुऔषध खैरो हेरोइन सहित ३ जनालाई पक्राउ गरेको थियो।
