चलचित्र ‘लप्पन छप्पन २’ यही फागुन २० गते रिलिज हुने भएको छ ।चलचित्रका निर्देशक मुकुन्द भट्टले चलचित्रको नयाँ रिलिज मिति घोषणा गर्दै चलचित्रलाई साथ दिन अनुरोध गरेका छन् ।
यसअघि यो चलचित्र फागुन १३ मा रिलिज हुने तय भएको थियो । तर यो मितिमा चलचित्र ‘म यस्तो गीत गाउँछु २’ रिलिज हुने भएपछि निर्माण टिमले नयाँ रिलिज मिति तोकेको हो ।
नेपाल र विदेशमा छायांकन भएको चलचत्रिमा अनुप विक्रम शाही, सौगता मल्ल, शिव श्रेष्ठ, अर्पण थापा लगायतका कलाकारहरूको मुख्य भूमिका रहेको छ ।
फिल्ममा नेपालको सत्ता कुनै अमूर्त शक्तिद्वारा सञ्चालित छ भन्ने कुरा देखाउन खोजिएको छ ।फिल्मलाई पुरुषोत्तम प्रधानले खिचेका छन् ।एक्सन जनराको चलचित्रले देशको राजनीतिक परिपाटीलाई चित्रण गर्न खोजेको छ ।
चलचित्रको ट्रेलरमा समावेश ‘चुनाब तपाईहरु गराउनुहुन्छ, भोट तपाईहरु दिनुहुन्छ, सरकार तपाईहरु बनाउनु हुन्छ तर, त्यो सरकार’ डायलगलाई धेरैले वर्तमान राजनीतिक घट्नाक्रमसँग निकट रहेको भनेका छन् ।
यस्तो छ चलचित्रको ट्रेलर :-
