राष्ट्रपति विद्यादेवी भण्डारीसँग नेपाल भ्रमणमा रहनुभएका चीनका विदेशमन्त्री वाङ यीले शिष्टाचार भेट गरेका छन् ।
तीनदिने नेपाल भ्रमणका क्रममा आइबार राष्ट्रपति भवन शीतलनिवासमा उनले सो भेट गरेका हुन् ।
परराष्ट्रमन्त्री डा. नारायण खड्काको निमन्त्रणामा उनी तीनदिने नेपाल भ्रमणमा शुक्रबार काठमाडौं आएका थिए ।
साथै आजै विदेशमन्त्री यीले प्रमुख प्रतिपक्षी नेकपा एमालेका अध्यक्ष केपी शर्मा ओली र सत्तारूढ नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गर्दैछन् । विदेशमन्त्री यी आज स्वदेश फर्कनेछन् ।
