काठमाडौं। तारा एयरले विमान दुर्घटनामा मृत्यु भएका यात्रु र चालक दलका सदस्यहरूको नामावली सार्वजनिक गरेको छ।
जसअनुसार पाइलट प्रभाकर प्रसाद घिमिरे, को–पाइलट उत्सव पोखरेल, एयर होस्टेज किस्मी थापा, यात्रु वसन्त लामा, प्रकाश सुनुवार, इन्द्र बहादुर गोले, पुरुषोत्तम गोले, राजन कुमार गोले, गणेश नारायण श्रेष्ठ, रविना श्रेष्ठ, रश्मि श्रेष्ठ, रोजना श्रेष्ठ, मकर बहादुर तामाङ, राममाया तामाङ, सुकुमाया तामाङ र तुलसीदेवी तामाङको विमान दुर्घटनामा मृत्यु भएको छ।
यसैगरी भारतीय नागरिक वैभवी वण्डेकर, अशोक कुमार त्रिपाठी, धनुष त्रिपाठी र रीतिका त्रिपाठीका साथै जर्मन नागरिक उवे विल्नर र मेइक ग्रिट ग्राफको पनि दुर्घटनामा मृत्यु भएको तारा एयरले जारी गरेको विज्ञप्तिमा उल्लेख छ।
आइतबार बिहान पोखराबाट जोमसोम उडेको तारा एयरको ९ एन–एईटी ट्विनअटर जहाज सम्पर्कबिहिन भएको थियो। उक्त जहाज सोमबार बिहान मुस्ताङको थसाङ गाउँपालिका २ को सानोस्वारे भीरमा दुर्घटनाग्रस्त अवस्थामा भेटिएको थियो।
