दार्चुला । गोकुलेश्वरबाट दार्चुला जाँदै गरेको जीप दुर्घटना हुँदा पाँच जनाको मृत्यु भएको छ । शैल्यशिखर नगरपालिका वडा नम्बर ६ उल्लानीमा जीप दुर्घटना हुँदा घटनास्थलमै पाँच जनाको ज्यान गएको प्रारम्भिक खबर प्राप्त भएको छ । यद्धपी मृतकबारे आधिकारिक पुष्टि हुन बाँकी रहेको छ ।
गोकुलेश्वरबाट दार्चुला जाँदै गरेको से १ ज ५५१ नम्बरको जीप दुर्घटनामा परेको हो । अहिले मालिकार्जुन प्रहरी चौकीबाट प्रहरी घटनास्थलमा पुगेका छन् भने गोकुलेश्वरबाट प्रहरी घटनास्थलमा प्रस्थान गरेको छ ।
उद्धारको कार्य चलिरहेकोले घटनाको क्षतिबारे एकिन विवरण प्राप्त भई नसकेको जिल्ला प्रहरी कार्यालय दार्चुलाले जनाएको छ । प्रत्यक्षदर्शीहरूका अनुसार एक महिलासहित पाँच जनाको मृत्यु भएको छ भने पाँच जना घाइते भएका छन् ।
