पोखरा। काठमाडौंबाट पोखरा उडेको यति एयरलाइन्सको विमान पोखरामा दुर्घटना भएको छ । यती एयरलाइन्सको एएनसी एटीआर ७२ जहाज पोखराको नयाँ विमानस्थलमा पार गरेर अगाडि गएपछि पोखरामा त्रास फैलिएको थियो ।
प्रत्यक्षदर्शी पोखराका पत्रकार गोविन्द सुवेदीले भने, ‘सो जहाज पुरानो विमानस्थलमा अवतरण हुने भयो भन्ने अड्कल गर्दा गर्दै जहाज सेतीको खोचमा खस्यो र आगोको मुस्लो देखियो।’
आगो लागेको थाहा पाउने वित्तिकै अहिले उद्धार भइरहेको छ । केही शवलाई बाहिर ल्याएको छ, उद्धारकर्ताहरू क्रियाशील रहेका छन् ।
जहाजमा १० विदेश नागरिक, ४ चालक दलका सदस्य र ५८ नेपाली यात्रु रहेको जानकारी विमानस्थलले दिएको छ ।
थप विवरण आउने क्रम जारी छ ।
सम्बन्धित समाचारः
काठमाडौंबाट पोखराका लागि उडेको जहाज दुर्घटना
