नेपाली कांग्रेसको सहमहामन्त्री (पिछडिएको क्षेत्र)मा बद्री पाण्डे विजयी भएका छन् ।
सभापति शेरबहादुर देउवा पक्षका उम्मेदवार जीवन बहादुर शाहीलाई पराजित गर्दै नेता शेखर कोइराला पक्षका उम्मेदवार पाण्डे सहमहामन्त्री विजयी भएका हुन् ।
सहमहामन्त्रीमा विजयी भएका पाण्डेले २४११ मत ल्याए भने शाहीले २१३३ मत ल्याए ।
सहमहामन्त्रीका अर्का उम्मेदवार चेतराज बजालले ९९ मत मात्रै ल्याए ।
यसअघि कांग्रेसको सहमहामन्त्रीमा मुस्लिम क्लस्टरबाट सभापति शेरबहादुर देउवा प्यानलका फरमुल्लाह मन्सुर र खसआर्य क्लस्टरबाटकिशोर सिंह राठौर विजयी भएका थिए ।
