प्रतिनिधि सभाको बैठक आज बस्दैछ । बैठक दिउँसो १ बजे बस्नेछ ।
आजको बैठकमा प्रधानमन्त्री शेरबहादुर देउवाले एमसीसी टेबल गर्ने तयारी गरेका थिए । तर, शुक्रबार बिहान बसेको सत्ता गठबन्धनको बैठकमा देउवा आज बस्ने संसद बैठकमा एमसीसी पास नगर्न सहमत भएका छन् ।
बैठकबाट बाहिरिँदै एकीकृत समाजवादीका अध्यक्ष माधवकुमार नेपालले प्रधानमन्त्री देउवा आज एमसिसी संसदमा पेस नगर्न सहमत भएको जानकारी दिए । नेपालले भोलि पार्टीको स्थायी कमिटी बैठक तय गरिएकोले त्यतिञ्जेल पर्खन अनुरोध गरेको बताइएको छ ।
सञ्चारमन्त्री ज्ञानेन्द्र बहादुर कार्कीले फागुन ८ गते बिहान १० बजेको बैठकले एमसीसीबारे निष्कर्ष निकाल्ने बताए ।
