अभिनेता पल शाह पक्राउ परेका छन् ।
अभिनेता शाह आइतबार मध्यान्ह जिल्ला प्रहरी कार्यालय तनहुँमा उपस्थित भएपछि पक्राउ परेका हुन् । जिल्ला प्रहरी कार्यालय तनहुँले अभिनेता शाहलाई पक्राउ गरेको जानकारी दिएको छ ।
यसअघि शाहले आफैं प्रहरीमा उपस्थित हुने सामाजिक सञ्जालमार्फत घोषणा गरेका थिए ।
उनीविरुद्ध जिप्रका तनहुँमा नाबालिगमाथि जबर्जस्ती करणीको जाहेरी परेको थियो । जाहेरी परेयता उनी फरार बनेका थिए ।
