दमौलीमा लागेको आगलागी नियन्त्रणमा आएको छ ।
स्थानीय भूपाल हार्डवेयर पसलको गोदामबाट आइतबार बिहान साढे १० बजेदेखि सुरु भएको आगलागी साढे ३ घण्टापछि नियन्त्रणमा आएको हो ।
हेलिकोप्टर, दमकल, सुरक्षाकर्मी, स्थानीयलगातयको प्रयासपछि आगलागी नियन्त्रणमा आएको हो ।
आगो नियन्त्रणका लागि काठमाडौंबाट सिम्रिक एयरको हेलिकोप्टर गएको थियो । उक्त हेलिकोप्टरले बजार नजिकको नदीबाट पानी ओसारेर आगो निभाएको थियो ।
श्रम, रोजगार तथा सामाजिक सुरक्षामन्त्री कृष्णकुमार श्रेष्ठ पनि काठमाडौंबाट पानीसहितको हेलिकप्टरमा दमौली गएका थिए ।
हार्डवेयर पसलसँगै आसपासका चारवटा घरमा पनि क्षति पुगेको छ । तर, क्षतिको विस्तृत विवरण आउन बाँकी छ ।
विद्युत् लाइन सर्ट भएर आगो लागेको अनुमान गरिएको छ ।
