अमेरिकी राष्ट्रपति डोलान्ड ट्रम्पले कोरोना भाइरस (कोभिड १९)काे महामारी फैलिनुमा चीन जिम्मेवार देखिए उसले त्यसको परिणाम भोग्नुपर्ने चेतावनी दिएका छन्।
ह्वाइट हाउसमा हुने नियमित पत्रकार सम्मेलनमा शनिबार राष्ट्रपति ट्रम्पले कोरोना भाइरसलाई सुरुदेखि नै रोक्न सकिन्थ्यो तर रोकिएन र हाल यसको नतिजा विश्वले नै भोग्नुपरेको बताए।
शुक्रबार मात्र ट्रम्पले कोरोना भाइरसको कारण चीनमा अमेरिकामा भन्दा बढी मासिले ज्यान गुमाएको दावी गरेका थिए।
यसअघि ट्रम्पले चीनले कोरोना भाइरसलाई राम्रोसँग जानेर यसलाइ नियन्त्रण गरेको भन्दै प्रशंसा गरेका थिए। र अब चीनसँग मिलेर कोरोना भाइरससँग लड्नेसमेत बताएका थिए।
